Antolojiya Dengbejan 1 - Dengbej Reso - Ömer Güneş - Nubihar Yayınları

...Di tegeha “dengbej” de “deng”, di çarçoveya meqam, sewt û awazen dengbêjiye de melodî, lorandin, xulxulandin û jenandin e.

Bi maneyeke din, di nava Kurdan de li ser eşq, şer û mijaren din bûyer qewimîne, li gelek deveran ev bûyer hatine bihîstin, van bûyeran bandor li ser civake hîştine û di nava gel de “deng” dane.

...“Bej” jî gotin û vegotin e. Bej peyva bijarte ye. Bej peyva kemilî û kamilî ye.

Bej, hez û bedewbûna hunera dengbej e. Bêj honaka kilame ye, vegotin û sewirandina naveroka kilame ye. Wejeya kilame bi “bej”ê diherike û dikemile. Bej helbest e...

Bi ve wateya dengbejiye ya resen, Dengbej Reso di ware awaz û strandine de di nav dengbejan de behempa ye. Gelek kilam ji şeweye wan ye heremî derxistine kirasekî gelemperî li wan kiriye. Kilam di deste Reso de reqisîne, xemilîne, firiyane. Kilam bi Reso neqişîne û xweş bûne. Kilam bi awaze wî şewe girtine, bi meqame wî xastir bûne, bi ristina wî zelal û biserûber bûne...